11. EGUNA (MARTXOAK 4)

11. EGUNA (MARTXOAK 4)

SAIOA

Hasieran akrosport-ari buruzko bideo bat ikusi dugu eta power point batean zer den eta honetan ikasleak izan ditzaketen rol desberdinak azaldu ditu irakasleak.

Aktibazio jolasa egin dugu. Honen helburua irakasleak esan dituen letren itxura egitea izan da, banaka, binaka, hirunaka edo launaka. Honen ostean hitz bat esan du eta hitz horretan agertzen diren hizkiak egin behar izan ditugu ikasle guztiok gorputza erabiliz.

Ondoren, koltxonetak hartu ditugu eta erortzeko teknika ezberdinak frogatu ditugu (atzerantz jausita eskuarekin lurrean kolpea eman,aurrerantz jausita eskuekin lurra kolpatu gorputza babesteko, judoko itzulipurdia eta atzeranzko itzulipurdia).

Amaitzeko taldeka jarri gara eta banakako, binakako, hirunakako, launakako eta bosnakako akrosport itxurak egin ditugu.

HAUSNARKETA (saioaren aplikazioa, sentsazioak, ondorioak etab.)

Gaur egindako saioa DBHn egindakoaren oso antzekoa iruditu zait eta asko gustuko izan dut. Saioa bukatzen joan ahala zailtasun maila altuagoaren falta nabaritu dut, ariketa errazak egin ditugula uste dut.

Lehen hezkuntzako umeekin lantzeko oso interesgarria iruditu zait. Umeekin lantzean uste dut segurtasun aholkuekin saio oso bat prestatzea ondo egongo litzatekeela. Askotan irudiak baino ez dute egin nahi baina ulertu behar dute mina ez egitea oso garrantzitsua dela eta “kantsinoak” izan behar garela kontu honekin.

Akrosportari ez zaio behar den garrantzia ematen eta horregatik ez da asko lantzen. Nire ustez oso baliagarriak diren saioak prestatu daitezke, batez ere gaitasun motorra, autoestimua handiagotu, ikasleen arteko talde-lana, komunikazioa eta bakoitzak dituen mugak gainditzeko.

Amaitzeko, esan behar dut etorkizunean umeekin horrelako saioak prestatzerakoan musika jarriko niekeela asko motibatzen duelako.

GALDERAK AIREAN

Umeren bat irakasleak proposatutako ariketa batean mina hartzen badu eta gurasoek kexatzen badira, zer gerta daiteke?